السلام عليكم جميعا .. ♥
كيفكم اتمنى انكم باحسن حال
هالبوست بعرض فيه مجوعة طلات بسيطه لبستها في الايام الماضيه
التنسيقات شتويه بسيطه اغلبها لجمعات عائليه وصاحباتي واللبس ايام الشتاء جميل صراحه
ان شاء الله تستمتعون فيه ♥♥♥
LOOK 1
لبس بسيط لجمعات العائله فستان صوف محيوك لونه بني على اورنج مرره احب هالفستان بجد يدفي و وسعه حلو ماهو فت بزياده ولا اوفر سايز
سكارف اورنج هذا السكارف لما احطه علي احس اني بنت ريفيه من الزمن الجميل
ولان الفستان و السكارف مع بعض صارو ستايل ريفي بزياده حبيت البس شوز رياضي حتى يخليه مودرن شوي
الفستان : H&M
السكارف :alexander mcqueen
الشوز :Adidas
LOOK 2
في هالمره لبست حاجه كلاسك كيب بيج و سكيني جينز مع شنطه كروس لونها بيبي بلو مرره الون جميل مع الوان لبسي و بوت يغطي كامل الساق بصراحه الجو ماكان يحتاج بوت بس المكان الي كنت فيه كان كله تراب فكان حلو الحركه فيه اخذت راحتي
الكيب و الجينز :ZARA
البوت :ZARA
الشنطه : Rebeccaminkoff
LOOK 3
التنسيق الثالث كان لسهره بنات شتويه
لبست فستان مخمل اسود باكمام طويله
الفستان قصير و فيه مثل الزم على احد الاكتاف فيعطي خطوط مايله لحد النهايه مرره جميله
مع حزام فوشي حدد الفستان اكثر
و لما برد الجو اكثر لبست عليه سديري صوف و فرو بس ما لبسته تمامه خليته على الاكتاف اشيك
وماكنت حابه يكون فورمل مره فلبست معاه شوز امممم شبه رياضي خلينا نقول
الفستان : juicy couture
السديري : H&M
الشوز :DKNY
الحزام : Missoni
LOOK 4
اخر لوك هو المفضل عندي والدليل اني لبسته اكثر شي ♥♥
هو بسيط جدا بس في اللبس مره احسه ستايل وشيك وبسيط مع بعض ههه
مجرد توب هاي نيك اسود و ببنطلون رياضي اسود
ولبست عليه بومبر جاكت واااسع لونه موف فاتح غريب ومميز بس المهم اني ما البسه تماما لا اخليه على الاكتاف بس
و عشان يكون اللوك شيك اكثر ومايكون كانك طالعه من جيم لبست معاه مجوهرات و شنطه رسميه هالشي هو الي اعطاني لمسة شياكه
مرات لبست معاه شوز هاي هيلز اسود انيق و اخر مره لبست حاجه مريحه و كلهم حلوين ♥
التوب : ما اتذكر
البنطلون : pink victoria secret
الجاكت : H&M
الشوز :DKNY
الشنطه : Fendi
