السلام عليكم كيفكم ♥
اليوم بتكلم عن مجموعة عناية بالبشره
المجموعه هذي من تجمعي من ماركة kiehls
قبل ستة شهور اخترت ثلاث منتجات من عناية الوجه منهم وراح اتكلم عنها بالتفصيل
Ultra Facial Cream
مرطب الوجه
هذا الكريم هو كريم مرطب للوجه للاستخدام اليومي
مكتوب انه يوعد بترطيب كافي لليوم كله و قوام خفيف ونتيجه بشره مرتاحه ومتوازنه في الاجواء القاسيه .
بالنسبه لي
اولا بشرتي جدا جدا جافه مع حبوب في منطقة الدقن
بشرتي جافه لدرجة اني كنت استخدم كريم Qv ثلاث الى اربع مرات في اليوم حتى احافظ عليها مترطبه وبدون قشور !!
مع استخدامي لهذا الكريم بشرتي صدق صدق ترطبت !
الكريم قوامه مرره خفيف بس مره وحده باليوم تكفيني
ما احس اعطاني نتيجه ثانيه غير الترطيب الكافي الجميل ترطيب ندي صحي .
لو خلص راح ارجع اشتريه لانه مره ناسب بشرتي في الترطيب وهالشي جدا صعب الاقيه
العلبه ٥٠ مل تعتبر صغيره لاستخدام يومي
بس صارلي استخدمه ستة شهور و للان باقي منه ربع تقريبا ! فيه بركه .
Creamy Eye Treatment with Avocado
كريم العين المعالج بالافوكادو
كريم العين المعالج بزيت الافوكادو من المنتجات المتصدره عندهم
بالنسبه لي
بشرة عيني ايضا جافه جدا وجفافها يسبب لي قشور وغيره
الكريم حلو .. ما اشوف انه معالج ابدا بس انه مرطب جيد
ما استخدمه لحاله فصايره استخدمه يوم وترك
العلبه ١٤ غ ، صغيرره مره مثل اغلب كريمات العيون بس وافي ونقطه منه تكفي
Midnight Recovery Concentrate
معالج ليلي مركز
معالج منتصف الليل المركز كثيييير جاه مدح
هو سيريم ليلي يوعد بتجديد البشره خلال الليل فتصحي الصباح ببشره مشرقه و متجدده
بالنسبه لي
السيريوم حليو .. ترطيبه مرره عالي مع انه ماهو زيتي او ثقيل
يعطي اشراقه بسيطه مره
ما احس انه يجدد او يعالج البشره
حلو قبل الميك اب يعطي اشراقه !
ما اتوقع راح ارجع اشتريه
يجي بكذا حجم الي عندي ٣٠ مل و للان بعد استخدام سته شهور ما استهلكت غير ربعه
للاسف هذي الماركه ماهي متوفره عندنا في السعوديه
لكن متوفره في دبي و الدوحه
و اونلاين تقدري تطلبيها
كذا كل شي اتمنى يكون عجبكم .. ♥
