السلام عليكم جميعا
اتمنى الكل بخير وسلامه ..
موضوعي اليوم عن فستان صيفي اشتهيت اعمله بعد ما الهمتني الجميله دانه الطويرش في احد طلاتها
وفعلا بعد ما لبست الفستان حسيت فيني شبه من دانه ههههه مين قدي
اول شي رسمت سكتش سريع للتصميم الي في بالي
القماش كان عندي من فتره من محل شعبي لازياء باكستانه وبنقاليه وهالاشياء ما تخيلت راح الاقي فيه شي ابدا
بس عجبني هذا القماش واخذته D:
وبعدها بدات تنفيذ
بدات التصميم في ايام رمضان ف اشتغلت شوي وبعدها انشغلت كثييير ورجعت كملت الشغل بعد العيد
خلصت ونظفت القطعه من الداخل
والحمد الله انتهيت وكنت فرحانه بالنتيجه انتهيت من القطعه تماما وغسلتها وبعدها لازم اكويها بدقه حتى تترتب القصات والثنيات
الاكشن الي صار انو اول ما شغلت المكوات ومع اول لمسه تشششششششش حرقت الفستان من تحت
احممم ما يحتاج اقول كيف كان وجهي وقتها وحالت التحطيم الي كنت فيها
بس يلا الحمد الله على كل حال ماهي اول مره يصير لي موقف مثل هذا .. قد صارت في المشروع النهائي للماده والحمد الله عدت على خير
انزعجت وقتها و طفشت من كل شي ورميت الفستان على جنب حتى وقت لاحق لوووول
بعد اسبوع تقريبا روقت و هدئت ورجعت ادور حل .. المشكله انو ماعندي قماش كافي اني ابدل الجزء السفلي كامل فخياراتي محدوده مره كل الي باقي لي قصاصات بقايا القماش .. حاولت يمين يسار وقررت اني ارقع بقعة الحرق بسس ،،
ماعندي خيار ثاني :(
ولانو القماش مشجر فهالشي راح يساعدني وماحيبين انو فيه قطعه موصله بالفستان
وهذي النتيجه !
شايفين شي ؟ ؟ اذا لا معناته نجحت في الترقيعه لووول
والحمد الله هذا الفستان كامل بعد الاصابه هههههه
ان شاء الله يكون عجبكم واستمتعتو فيه مثل ما استمتعت بصنعه وتصميمه
اشوفكم على خير
.
